ಎಟಿಎಂ ಕಾರ್ಡ್‌ಗಳ ಮೂಲಕವೂ ವಂಚನೆಗಳು ನಡೆಯುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಎಟಿಎಂ ಬಳಸುವಾಗ ಬಹಳ ಜಾಗರೂಕರಾಗಿರಬೇಕು. ಎಟಿಎಂನಿಂದ ಹಣವನ್ನು ವಿತ್‌ಡ್ರಾ ಮಾಡುವಾಗ ಹಣ ಬರದೇ , ಅಕೌಂಟ್‌ನಲ್ಲಿ ಮಾತ್ರ ಡೆಬಿಟ್ ಆದರೆ ತಕ್ಷಣವೇ ನೀವು ಎಚ್ಚೆತ್ತುಕೊಳ್ಳಬೇಕಾಗುತ್ತದೆ. ಒಂದು ವೇಳೆ ಈ ರೀತಿಯಾಗಿ ನಿಮಗೆ ಸಂಭವಿಸಿದರೆ ನೀವು ಏನು ಮಾಡಬೇಕು? ನಿಮ್ಮ ಕಡಿತದ ಮೊತ್ತವನ್ನು ಹಿಂದಿರುಗಿಸುವ ಕೆಲವು ವಿಧಾನಗಳನ್ನು ನಾವು ಇಂದು ನಿಮಗೆ ತಿಳಿಸುತ್ತೇವೆ.
ಎಸ್‌ಎಂಎಸ್ ಮೂಲಕ ಮಾಹಿತಿ ಪಡೆಯಲಾಗುವುದು: ದೋಷಪೂರಿತ ತಂತ್ರಜ್ಞಾನದಿಂದಾಗಿ ಎಟಿಎಂನಿಂದ ಹಣವನ್ನು ಹಿಂಪಡೆಯದಿದ್ದಾಗ, ನಿಮಗೆ ಸಂದೇಶ ಬರುತ್ತದೆ. ಈ ಸಂದೇಶದಲ್ಲಿ ನಿಮ್ಮ ಖಾತೆಯಿಂದ ಹಣವನ್ನು ಕಡಿತಗೊಳಿಸಲಾಗಿದೆ ಎಂದು ಗೊತ್ತಾದ್ರೆ, ಅಂತಹ ಪರಿಸ್ಥಿತಿಯಲ್ಲಿ ನೀವು ತುಂಬಾ ಚಿಂತಿತರಾಗುತ್ತೇವೆ. ಕೆಲವೊಮ್ಮೆ ಕಡಿತಗೊಳಿಸಿದ ಮೊತ್ತವು ನಿಮ್ಮ ಖಾತೆಗೆ ಹಿಂತಿರುಗುತ್ತದೆ. ಆದ್ರೆ ಕೆಲವೊಮ್ಮೆ ಈ ಹಣ ಹಿಂದಿರುಗದೇ ಇರಬಹುದು.
ವಂಚಕರು ಸ್ಕಿಮ್ಮಿಂಗ್ ಯಂತ್ರವನ್ನು ಅಳವಡಿಸಿರುತ್ತಾರೆ!: ವಂಚಕರು ಎಲ್ಲೋ ಕುಳಿತುಕೊಂಡು ನಿಮ್ಮ ಖಾತೆಯಿಂದ ಹಣವನ್ನು ಸಹ ಹಿಂಪಡೆಯಬಹುದು. ಅನೇಕ ಜನರು ಎಟಿಎಂ ಯಂತ್ರವನ್ನು ಟ್ಯಾಂಪರ್ ಮಾಡಿ ನಂತರ ಖಾತೆಯಿಂದ ಹಣವನ್ನು ಡ್ರಾ ಮಾಡುತ್ತಾರೆ.
ಇಂತಹ ಪರಿಸ್ಥಿತಿಯಲ್ಲಿ ಏನು ಮಾಡೋದು?: ಎಟಿಎಂನಲ್ಲಿ ಹಣ ವಿತ್‌ಡ್ರಾ ಮಾಡುವಾಗ ನಗದು ಸಿಗದೆ, ಅಕೌಂಟ್‌ನಲ್ಲಿ ಕಡಿತಗೊಂಡಿದ್ದು ಖಚಿತವಾದ್ರೆ, ನೀವು ಮಾಡಬೇಕಾದ ಮೊದಲ ಕೆಲಸವೆಂದರೆ ಬ್ಯಾಂಕಿನ ಕಸ್ಟಮರ್ ಕೇರ್ ಸಂಪರ್ಕಿಸುವುದು. ನಿಮ್ಮ ಸಮಸ್ಯೆಯನ್ನು ಸಹ ನೀವು ಹೇಳಿಕೊಳ್ಳಬಹುದು. ಕಸ್ಟಮರ್ ಕೇರ್ ಕಾರ್ಯನಿರ್ವಾಹಕರು ದೂರನ್ನು ದಾಖಲಿಸುತ್ತಾರೆ ಮತ್ತು ನಮಗೆ ದೂರಿನ ಟ್ರ್ಯಾಕಿಂಗ್ ದಾಖಲೆಯನ್ನು ನೀಡುತ್ತಾರೆ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಪ್ರಕಾರ, ಅಂತಹ ಸಮಸ್ಯೆಯಲ್ಲಿ, ಬ್ಯಾಂಕ್ 7 ದಿನಗಳಲ್ಲಿ ದೂರನ್ನು ಪರಿಹರಿಸಬೇಕು ಮತ್ತು ಖಾತೆದಾರರ ಖಾತೆಗೆ ಹಣವನ್ನು ಜಮಾ ಮಾಡಬೇಕು.
ಬ್ಯಾಂಕ್ ಪರಿಹಾರ ಏನು?: ಬ್ಯಾಂಕ್ ಒಂದು ವೇಳೆ ಖಾತೆದಾರರ ಖಾತೆಗೆ ಹಣವನ್ನು ಜಮಾ ಮಾಡದಿದ್ದರೆ, ಬ್ಯಾಂಕ್ ನಿಮಗೆ ಪರಿಹಾರವನ್ನು ನೀಡುತ್ತದೆ. ಆರ್‌ಬಿಐ ಸೂಚನೆಯಂತೆ ಬ್ಯಾಂಕ್ 5 ದಿನಗಳಲ್ಲಿ ದೂರನ್ನು ಪರಿಹರಿಸಬೇಕು. 5 ದಿನಗಳಲ್ಲಿ ಬ್ಯಾಂಕ್ ಪರಿಹಾರ ನೀಡದಿದ್ದಲ್ಲಿ ಬ್ಯಾಂಕ್ ದಿನಕ್ಕೆ 100 ರೂ.ನಂತೆ ಪರಿಹಾರ ನೀಡಬೇಕು. ಇದಲ್ಲದೆ, ಗ್ರಾಹಕರು https://cms.rbi.org.in ನಲ್ಲಿಯೂ ದೂರು ಸಲ್ಲಿಸಬಹುದು.
source: economictimes.com
